ನೆಲ್ಲಿಕಾಯಿಯ ಮಹತ್ವ, ಔಷಧೀಯ ಸತ್ವ ಹಾಗೂ ಅದರ ರುಚಿ ಯಾರಿಗೆ ತಾನೇ ಗೊತ್ತಿಲ್ಲ. ವಿಟಮಿನ್ ಸಿ ಹೇರಳವಾಗಿರುವ ನೆಲ್ಲಿಕಾಯಿ, ನಮ್ಮ ಕೂದಲು ಮತ್ತು ತ್ವಚೆಯ ಕಾಂತಿ ಹೆಚ್ಚಿಸುವಲ್ಲಿ ಮಹತ್ವದ ಪಾತ್ರ ವಹಿಸುತ್ತದೆ. ಜೀರ್ಣಕ್ರಿಯೆಯನ್ನು ಸರಾಗಗೊಳಿಸುವಲ್ಲಿ ಕೂಡ ನೆಲ್ಲಿಕಾಯಿ ಮಹತ್ವದ ಪಾತ್ರ ವಹಿಸುತ್ತದೆ. ನೆಲ್ಲಿಕಾಯಿಯನ್ನು ಆಹಾರದ ರೂಪದಲ್ಲಿ ನಾವು ಸೇವಿಸಬಹುದು. ಅದರಲ್ಲಿ ಕೆಲವೆಂದರೆ, ನೆಲ್ಲಿಕಾಯಿ ಜ್ಯೂಸು, ನೆಲ್ಲಿಕಾಯಿ ಸಾರು, ನೆಲ್ಲಿಕಾಯಿ ಅನ್ನ ಇತ್ಯಾದಿ. ಯಾರಿಗೆ ಹುಳಿ ಅನ್ನ ಅಥವಾ ಚಿತ್ರಾನ್ನ ಇಷ್ಟವೋ ಅವರಿಗೆಂದೇ ಇವತ್ತು ನಾನು ನೆಲ್ಲಿಕಾಯಿಯ ಚಿತ್ರಾನ್ನ ಮಾಡುವ ವಿಧಾನವನ್ನು ತಿಳಿಸುತ್ತಿದ್ದೇನೆ.