ಚೀನಾ ಆಧ್ಯಕ್ಷ ಕ್ಸಿ ಜಿನ್‌ಪಿಂಗ್‌ ಅತ್ಯಂತ ಸುಧೀರ್ಘ ಭಾಷಣ ಮಾಡಿದ್ದಾರೆ.ಅದು ಒಂದಲ್ಲ ಎರಡಲ್ಲ, ಮೂರುವರೆ ಗಂಟೆಗಳ ಸುದೀರ್ಘ ಭಾಷಣ. ಕಮ್ಯುನಿಸ್ಟ್‌ ಪಾರ್ಟಿ ಕಾಂಗ್ರೆಸ್‌ನ ಸಮಾವೇಶದಲ್ಲಿ ಕ್ಸಿ ಜಿನ್‌ಪಿಂಗ್‌ ಈ ಭಾಷಣ ಮಾಡಿದರು.

ಚೀನಾ ಮಾಧ್ಯಮಗಳಲ್ಲಿ ಈ ಭಾಷಣವನ್ನು ಪ್ರಸಾರ ಮಾಡಲಾಯಿತು. ಬಹುತೇಕ ಎಲ್ಲರೂ ಈ ಭಾಷಣವನ್ನು ಆಲಿಸಿದರು.

ಗ್ರೇಟ್‌ ಹಾಲ್‌ ಆಫ್‌ ದ ಪೀಪಲ್‌ ಸಭಾಂಗಣದಲ್ಲಿ ಸುಮಾರು 2,300 ಅತಿಥಿಗಳ ಸಮ್ಮುಖದಲ್ಲಿ ಕ್ಸಿ ಜಿನ್‌ಪಿಂಗ್ ಭಾಷಣ ಮಾಡಿದರು. ಮಧ್ಯೆ ಮಧ್ಯೆ ಕೆಲವೊಮ್ಮೆ ಲಘು ಪಾನೀಯ ಸೇವಿಸಿದ್ದು ಬಿಟ್ಟರೆ ಎಲ್ಲೂ ವಿಶ್ರಾಂತಿ ತೆಗೆದುಕೊಳ್ಳದೇ ಮೂರುವರೆ ಗಂಟೆ ಭಾಷಣ ಮಾಡಿದರು.