ER NEWS

News Subject: 
ಸಾಮೂಹಿಕ ಸಮಾಧಿಯಲ್ಲಿ 'ವಿಹರಿಸುತ್ತಿರುವ' ಐಸಿಸ್‌ ಉಗ್ರರು
Upload Image: 
Body: 

ಒಂದು ಕಾಲದಲ್ಲಿ ಇಸ್ಲಾಮಿಕ್‌ ಸ್ವರ್ಗವನ್ನು ಸೃಷ್ಟಿಸುತ್ತೇವೆ ಎಂದು ಘೋಷಿಸಿ ಜಗತ್ತಿನ ಎಲ್ಲೆಡೆಯಿಂದ ಉಗ್ರರ ನೇಮಕ ಮಾಡಿಕೊಳ್ಳುತ್ತಿದ್ದ ಇಸ್ಲಾಮಿಕ್‌ ಸ್ಟೇಟ್‌ ಉಗ್ರ ಸಂಘಟನೆ ಈಗ ಮಣ್ಣಲ್ಲಿ ಮಣ್ಣಾಗಿದೆ. ಖಲೀಫನ ಸಾಮ್ರಾಜ್ಯದ ಯೋಧರು ಎಂದು ಹೇಳಿಕೊಳ್ಳುತ್ತಿದ್ದ ಜಿಹಾದಿಗಳು ಸಾಮೂಹಿಕ ಸಮಾಧಿಯಲ್ಲಿದ್ದಾರೆ.

ಬಾಗ್ದಾದ್‌ನಿಂದ 90 ಕಿ.ಮೀ ದೂರದ ಇರಾಕಿ ಪಟ್ಟಣ ಧುಲುಯಿಯಾದಲ್ಲಿ ನರಿ-ನಾಯಿಗಳಿಗೆ ಆಹಾರವಾಗಲಿದ್ದ ಜಿಹಾದಿಗಳ ಮೃತದೇಹಗಳನ್ನು ಇರಾಕಿ ಭದ್ರತಾ ಪಡೆಗಳು ತರಾತುರಿಯಲ್ಲಿ ತೋಡಿದ ಗುಂಡಿಗಳಲ್ಲಿ ಹೂತುಹಾಕಿದ್ದಾರೆ.

'ಅವರು ನರಿ-ನಾಯಿಗಳಿಗೆ ಆಹಾರವಾಗಬೇಕಿತ್ತು. ಅವರನ್ನು ನಾವು ಹೂತು ಹಾಕಿದ್ದು ಅವರ ಮೇಲಿನ ಪ್ರೀತಿಯಿಂದಲ್ಲ, ಸಾಂಕ್ರಾಮಿಕ ರೋಗಗಳು ಹರಡದಿರಲಿ ಎಂದಷ್ಟೇ'ಎಂದು ಸ್ಥಳೀಯ ಪೊಲೀಸ್‌ ಅಧಿಕಾರಿ ಮೊಹಮ್ಮದ್‌ ಅಲ್‌-ಜುಬುರಿ ಎಎಫ್‌ಪಿಗೆ ತಿಳಿಸಿದರು.

ಇರಾಕ್‌ ಮತ್ತು ಸಿರಿಯಾದ ಬಹುಭಾಗವನ್ನು ಕಬಳಿಸಿ 'ಖಲೀಫನ ಸಾಮ್ರಾಜ್ಯ' ಸ್ಥಾಪಿಸಲು ಮುಂದಾಗಿದ್ದ ಇಸ್ಲಾಮಿಕ್‌ ಸ್ಟೇಟ್‌, ಎಲ್ಲ ದಿಕ್ಕುಗಳಿಂದಲೂ ಮುಗಿಬಿದ್ದ ಭದ್ರತಾಪಡೆಗಳ ಹೊಡೆತಕ್ಕೆ ಸಿಲುಕಿ ನಾಶವಾಯಿತು.

Reach Count: 
1